Sürmäk  ayın 14 Çadır teoretik  liţeyindä   № 2  Çadır  Rayon  bölümün  işçisi soruşlar için üürenmek, kultur, gençlik hem sport, Çavdar L.A.  gösterdi prezentaţiyayi temaya: “Yazıcı—o, kimä hiç kimsey benzeymäz.”  33 üüreniciyä16-18 yaşında.

Bakıldı soruşlar gerçek yazıcıların, kiyadın, okumanın rolleri için dünnedä. Örnek gibi alındı D.Kara Çobanın  proza yaratması “ Sesleyecilär”. Bizim gagauz yazıcıların klasikleri,angıların bu yıl  2018 yıldönemi:N.Baboglu, D.Kara Çoban, K. Vasıleoglu, S Bulgar,T.Zanet hem dünnä klasikleri T.Drayzer, O.Balzak, Stendal göstereldilär , nicä fikir ustacıları herbir zamana. Verildi  paasız nasaatlar avtorlardan.

Proza açıklandı,  nica  arhitektor yapısı, ani peydalȇȇr sonsuz süretlerini. Bu artistik süretlerini  real yaşamamızdan resimneer gerçek yazıcılar, angıları hergün dokunȇr deveçlää, çunkü onnar izmet eder adamınıın esabına. Birliktä üürenicilärlän açıklandı cuvaplar soruşlara.Kim o gerçek yazıcı?O, kim yazȇr, çünkü ona var ne sölemää. O, kim hergün lääzım dokunsun deveçlää.Nedä kiyadın izmeti?

Kiyadın izmeti –hakikat için düşündürmää. Okuyucu yaşadȇr kendindä kahramanın fikirlerini, duygularını, kablederäk bilgi yaşamak kanunnarı için. Butakım okumak zenginneder adamın ruhunu.

Büük şükürlüklän biz davranȇrız gerçek yzıcılara, angıların yok milleti, var sade üüsek izmeti adamnaa. Onnar – esabın izmetçileri. Dünneyä başlȇȇrlar fikirlerini, brakarak izlerini deveçliktä.

Yazıcılar  açıklȇȇr, angı yollar getiräbilir adamı onun isteyişleri, çalışması, tabietleri, tutkuları, duyguları.

Ne verer okumak?!

Okumak girer  aklına, canın derinniinä, gösterer izleri götürän eni tanımaklara, bilgiyä,ariflää,raatlaa, sevinmeyä, akıl hem can aydınnıına—hepsi onnar yol kusursuz ilerlemeyä.

Okumanın en büük rolü dünnedä – paylaştırmak, zeedelemäk, birleştirmäk bilgiyi. Adamnık butakım hızlı gerçekleştirer hepsi bilgi açıklamaklarını ilerlederäk yaşmasını.

Üüreniçilär büük mayıllıklan  paylaştılar fikirlerinnän hem duygularınnan.

Bakılan temalar onnarı meraklandırdı. Çoyun önündä peydalandı eni neetlär

yaşamak için, angısında büük er alır okumak, eni tanımak kendini ilerlemäk için.

Te birkaç üüreniçin düşünmekleri:

 “Biz annadık okumanın lääzımnıını hem paasını. Taa derin tanıdık yazıcıların zaameti için hem onnarın izmeti için adamnaa bütün dünnedä. Okumanın faydası  onda, ani o yardım eder annamaa yaşamanın maanasını ”, - Patoska Lüdmila 11klas.

“Meaklı tamalar verdilär bizä eni tanımak hem düşünmäk”,- Kulev Vladimir 10 klas

“Tanıdım taa çok yazıcılar için, onnarın yaratmak maanası için. Annadım, ki lääzım çok okumaa, ki zenginnetmää ruhumuzu”,  - Kürkçü Mariyä.” 10 klas

“Bizä meraklıydı.Çok okumak verir bizä bilgi  ana dilimiz olsun taa gözäl”, - Kojekar Kristina. 10 klas.