Kıran ayın 23-dä 2023 yılda  Аvtonom  teretorial  bölgesi Gagauz Eri 29-cı yılını tamannȇȇr. Bu gündä 29 yıl geeri kabul edildi Respublika Moldovanın Kanunu «Gagauziyanın ayırıca hak statusu için». Ayırıca avtonom statusu - gagauz halkın hakı onun kendini belliedilmesi için verildi. Avtonom bölgenin kuruluşu - bizi hepsimizi birleştirän cuvaplık dedelerimizdän kalan kultur-tarih koruntusunun korunması, zeedelenmesi hem ilerlenmesi.

      Herkezimiz yaşayan Avtonomiyada, olarak gagauz evlat boyu, bellieder kendinnän bütün bizim halkımızı hepsi onun evlat boylarınnan hem kultur başarılarınnan. Gagauziyanın küçük halkı metin kendi ii adetlerinnän, çalışkannıınnan, saburluunnan, can açıklıınnan hem musaafirlinnän.

      Bu yortulu gündä, büük şükürlük duyerız aktiv halk vatandaşlarımıza, politik, kultur, bilgi, din işleyennerinä - hepsinä kimin çalışmalarınnan, çetin inanmaklarınnan gagauzların aydın geleceenä, biz var nicä şindi hodullannalım küçük, käämil halkımızlan, çalışalım onun ilerlenmesi hem gelecää için.

       Kutlȇȇrız hepsi Gagauz Avtonomiyanın yaşayannarını, çalışan Gagauziyanın yaradılmasında geçmiştä hem onun ilerlemesi için zamandaş vakıtta, nicä vatanımızda, ölä da sınır aşırı.

Dileeriz uslulu dünnedä yaşamak, saalık  hem kısmet, neetlerin hem umutların gerçek olmasını barabar ilerlenmek yolumuzda gidärkän aydın gelecää! Yortunuz kutlu olsun!